Gəncədə Xalq artisti vəfat edib. Bu haqda Gencexeber.az 22 dekabr tarixində məlumat verir.
"Göygöl" Dövlət Mahnı və Rəqs Ansamblının yaradıcısı, Xalq artisti Fikrət Verdiyev 75 yaşında dünyasını dəyişib. O, uzun sürən xəstəlikdən əziyyət çəkirdi.
Fikrət Verdiyev 1947-ci ildə Gəncədə anadan olub. 1966-cı ildə Gəncə orta ixtisas musiqi məktəbində təhsilini başa vuraraq, Üzeyir Hacıbəyov adına Azərbaycan Dövlət Konservatoriyasının tar-dirijor, xalq ifaçısı fakültəsinə daxil olub.
1969-cu ildə “Göygöl” xalq çalğı alətləri ansamblını yaradıb. 1990-cı ildə Gəncə Dövlət Filarmoniyasını yaradan Fikrət Verdiyev filarmoniyanın nəzdində “Göygöl” mahnı və rəqs ansamblından başqa, notlu xalq çalğı alətləri orkestrini və kamera orkestrini yaradıb.
Qeyd edək ki, mərhum dahi sənətkar Xan Şuşinskinin qızı Bəyimxanım Cavanşirova ilə evli idi.
