Uşaq evində böyüyən şəhidin anası olduğunu bildirən qadın tapılıb. Bu haqda 12 yanvar tarixində Qafqazinfo-ya istinadən məlumat veririk.
Məlumata görə, Əmrah Rajapov şəhid olduğundan sonra ailəsi tapılmadığı üçün kimsəsiz kimi dəfn edilib. Bir neçə gün əvvəl isə şəhidin yaxını bildirib ki, Ə. Rajapovun anası sağdır və hazırda Türkiyədə yaşayır.
Anası Gövhərcan Yaraş qızı Rajapova əslən türkmənistanlıdır. Ə. Rajapovun 7 yaşı olanda anası onu nənəsi və bacısına əmanət edib, Türkiyəyə işləmək üçün gedib. Bir müddət sonra onunla əlaqə kəsilib. Nənəsinin vəfatından sonra isə Əmrah uşaq evinə verilib.
Hazırda Gövhərcan Rajapova Türkiyədən çıxış qadağası olduğuna görə Azərbaycana gələ bilmir və arzusu sənədləri düzəldib oğlunun məzarına gəlməkdir.
Qeyd edək ki, Əmrah Rajapov 11 dekabr 2000-ci ildə anadan olub. 2012-ci ildə Gəncə Uşaq Evinə yerləşdirilib. 8 oktyabr 2020-ci il tarixində şəhidlik zirvəsinə ucalıb. 23 fevral 2021-ci ildə isə Gəncə şəhərinin Şəhidlər xiyabanında dəfn edilib.
