Gəncədə 2 dekabr tarixində market sahibi cərimələnib. Bu haqda Azərbaycan Qida Təhlükəsizliyi Agentliyi məlumat paylaşıb.
Şəhər ərazisində keçirilən yoxlamalar zamanı Təbriz küçəsi 182 ünvanında yerləşən "Milli" mağazasında nöqsanlar aşkarlanıb. Burada satılan "Kрестъянское" markalı bitki tərkibli spred yağın kərə yağı adı altında satışının həyata keçirildiyi, heyvan mənşəli məhsulların baytarlıq ekspertizasından keçmədən satışının aparıldığı, mal qonşuluğu prinsipinin pozulduğu, qənnadı məmulatlarının üzərində etiketlərin olmadığı aşkarlanıb.
Faktla bağlı müvafiq tədbirlər görülüb.
