Gəncənin şəhidi var. Bu haqda Gencexeber.az-ın müxbiri 17 noyabr tarixində məlumat verib.
Müddətdən Artıq Xidmət Edən Hərbi Qulluqçu Natiq Əliyev 16 noyabr saat 18:00 radələrində Kəlbəcər istiqamətində düşmən snayperinin gülləsinə tuş gəlib.
Dünən axşam saatlarında Əliyevin nəşi Gəncəyə gətirilib. Şəhərin Cavadxan küçəsində yüzlərlə sakin onun yolunu gözləyib. Şəhidlik zirvəsinə ucalan Natiq bu gün Gəncənin Şəhidlər Xiyabanında torpağa tapşırılacaq.
Şəhidimiz əslən Göyçə mahalının Zod kəndindəndir. Gəncədə boya başa çatan Natiq ailəli idi. Onun vətənə əmanət övladı qalıb.
Başın sağolsun Gəncəm…
[caption id="attachment_5111" align="alignnone" width="300"]
Foto Gencexeber.az[/caption]
