Rüstəm Allahverdi oğlu Əliyev 16 sentyabr 1903-cü ildə Xanlar rayonunun Sünnülər (indiki Samux rayonu Füzuli kəndinin bir hissəsi) kəndində anadan olub.
O, yeniyetmə ikən kolxozların yaradılmasında iştirak etmiş, kəndin su idarəsində çalışmışdır. 1929-cu ildən - Səfərəliyev rayonu (indiki Samux) "Qırmızı Oktyabr" kolxozunun sədri vəzifəsini tutmuşdur. Həmçinin 1933-1968-ci illərdə Göy-Göl təbiət qoruğunun müdiri işləmişdir.
Əliyevin rəhbərlik illərində kənd kolxozu inkişaf etmişdir və 1939-cu ildə Ümumittifaq Kənd Təsərrüfatı Sərgisində iştirak etmişdir. Əliyev keçmiş Sünnilər kəndində klub, hamam, kitabxana, yeni kolxoz binası inşa etdirmişdir, sakinlərin evlərinə elektrik və radio çəkdirmişdir.
Rəyasət Heyətinin 10 mart 1948-ci il tarixli Fərmanı ilə Əliyev Rüstəm Sosialist Əməyi Qəhrəmanı adına layiq görülmüş, Lenin ordeni və "Oraq və Çəkic" qızıl medalı ilə təltif edilmişdir.
Əliyev SSRİ Ali Sovetinin 5 çağırış, Azərbaycan SSR Ali Sovetinin 2-ci və 4-cü çağırış deputatı olmuşdur. 1968-ci ildən SSRİ-nın fərdi təqaütçüsü idi.
Rüstəm Əliyev 19 sentyabr 1974-cü ildə Gəncə şəhərində vəfat edib.
Mənbələr:
