Samux rayonunun adının mənşəyi haqqında müxtəlif fikirlər var.
- Bir versiyaya görə, “Samux” sözü qədim alban dilində “ov üçün meşəlik yer” kimi tərcümə edilir. Ərazi antik dövrlərdə Qafqaz Albaniyasının tərkibində, XVIII əsrdə isə Gəncə xanlığının dörd vilayətindən biri olmuşdur. Samux mahalının adı xarabalıqları hələ də mövcud olan qədim Samux şəhərinin adından götürülmüşdür.
- Coğrafiya elmləri namizədi Rəmzi Yüzbaşov “Samux” sözünü yayda ərazidən keçən isti küləklə əlaqələndirir.
- “Azərbaycan dilinin onomastikası” adlı əsərdə Samux adının zoonim mənşəli söz olub, at adı ilə əlaqədar olduğu bildirilir.
- Bəzi məlumatlara görə, adın birinci hissəsi “Sam” - öküzün boyunduruğuna keçirmək üçün düzəldilən ağac mənasını verir. “Samux” sözünün isə ağacların çoxlu bitdiyi ərazi kimi işlədildiyi haqqında nəticəyə gəlinir.
Mənbələr:
- Qafqaz Albaniyasının bir parçası// Azadlıq. 3 avqust 2011
- https://azertag.az/xeber/1458035
