“Xeyir və Şər” baleti bəstəkar Tofiq Bakıxanov tərəfindən şair Nizami Gəncəvinin “Yeddi gözəl” poemasında Çin gözəlinin söylədiyi hekayə əsasında yaradılıb. Əsər Nizami Gəncəvinin 850 illik yubileyi ərəfəsində, 1991-ci ildə yazılıb.
Baletin süjet xəttini Xeyirlə Şərin qarşıdurması təşkil edir. Tamaşa süjetinin əsasında susuz səhrada Xeyirin böyük ürəyə sahib olması, xeyir iş görməsi və bunun qarşılığında Şərin törətdiyi bədxah əməllər durur. Baletin nömrəli quruluşu var və musiqisi 17 nömrədən ibarətdir.
Əsər Akademik Opera və Balet Teatrında dinlənilib, qəbul olunur. Lakin ilk dəfə 1992-ci ildə Şövkət Məmmədova adına Opera studiyasının səhnəsində Bakı Xoreoqrafiya Məktəbinin müəllim-tələbə kollektivinin iştirakı ilə tamaşaya qoyulur. Tamaşanın musiqi rəhbəri Yaşar İmanov idi, əsər Azərbaycan Televiziyası və Radiosunun simfonik orkestrinin müşayiəti ilə oynanılırdı.
Balet 16 ildən sonra, 2008-ci ildə Azərbaycan Dövlət Akademik Opera və Balet Teatrında səhnələşdirilib və repertuara daxil edilib. “Xeyir və Şər” baletinin libretto müəllifi, quruluşçu-baletmeysteri, rejissoru Rəşid Əhmədovdur, konsertmeysteri isə Gülnarə Axundovadır.
Mənbələr:
