Nizami Gəncəvinin abidəsi Göygöl rayonunda, Hacıkəndə aparan yolun qırağındakı parkda yerləşir. Bu abidənin açılışı 1992-ci ildə baş tutmuşdur.
Abidə iki hissədən ibarətdir. Birinci hissəni məşhur şairin uca mərmər postament üzərində quraşdırılmış büstü təşkil edir. Həmin hissə məzara oxşar formada hazırlanıb. Hətta bu səbəbdən bəzi insanlar iddia edirlər ki, Nizami Göygöldə dəfn olunub.
Digər hissəni yaxınlıqda yerləşən mozaik panno təşkil edir. Burada şairin müasirləri - Xaqani və Məhsəti Gəncəvinin təsviri olan stelа var. 1992-ci ilin “Bakinskiy Raboçiy” qəzetinin yazdığına görə, burada üzərində Nizaminin məşhur “Xəmsə”sinin qəhrəmanlarının təsvir edildiyi stela da olub.
Qəzetin yazdığına görə, abidənin yerləşdiyi park rayonun dağ kəndlərinə gedən insanların istirahət yeri olub. Burada abidənin quraşdırılması zamanı bulaq tikilib, oturacaqlar quraşdırılıb.
Şair Nizami Gəncəvinin ilk abidəsi 1946-cı ildə Gəncədə, 1949-cu ildə isə Bakıda ucaldılıb. Gəncə daxil olmaqla ölkəmizin bir çox bölgələrində Nizaminin abidələri, onun adına küçələr, məktəblər və s. obyektlər mövcuddur.
Mənbələr:
