Gəncə xanlığının atributları sırasında Gəncə qalasının açarları var idi. Açarlar xanlığın digər atributları kimi, xanın əlində olub. Gəncə qalasının açarları dəmirdən düzəldilmişdir, uzunluğu 23,5 sm olub.
3 yanvar 1804-cü ildə rus generalı Pavel Sisianovun başçılığı ilə ağır döyüşdən sonra Gəncə qalası işğal edilmişdir. Bu döyüşdə Gəncə xanı Cavad xan və oğlu qəhrəmancasına həlak olmuşlar. Gəncə xanlığı ləğv olunmuşdur. Hakimiyyət gücünün simvolu olan Gəncə qalasının açarları isə Sisianov tərəfindən hərbi qənimət kimi ələ keçirilmişdir.
1888-ci ildə Gəncə qalasının iki açarı Tiflisdə açılan Qafqaz Hərbi Tarix Muzeyinə verilir və bir müddət orada saxlanılır. 1924-cü ildə Gəncə qalasının açarları digər Azərbaycan xanlıqlarına məxsus atributlarla birlikdə Azərbaycan Tarix Muzeyi tərəfindən əldə edilir.
Gəncə qalasının dəmir açarı bu günə kimi Milli Azərbaycan Tarixi Muzeyinin Silahlar və Bayraqlar Fondunda saxlanılır.
Mənbələr:
