21.4 C
Gence
21.4 C
Gence

Hacı Mirbağır Ağa türbəsi: keçmiş qəbiristanlığın yeganə sübutu

Hacı Mirbağır Ağa türbəsi Ağamirzə Əhmədov küçəsində yerləşir. Bu türbə, ərazidə bir zamanlar qəbiristanlığın olduğunu sübut edən yeganə dəlildir. Türbə Hacı Seyid Bağır türbəsi kimi də tanınır.

AMEA-nın Gəncə Bölməsinin Tarix-Etnoqrafiya Şöbəsinin əməkdaşının sözlərinə görə, türbə hörmətli bir adamın məzarı üzərində inşa edilmişdir.

AMEA-nın əməkdaşı Hamlet Allahverdiyev Kəpəz.tv-ə verdiyi müsahibədə deyib: “1920-ci ilin may ayında Gəncə üsyanı uğursuzluqla nəticələnir. Şəhərdə komendant saatı tətbiq olunur. Şəhərə çıxmaq mümkün olmadığından Hacı Mirbağır Ağa öz evinin damından əzan verərək, insanları namaza səsləyir. Bu vaxt küçədən öz tərcüməçisi ilə keçən rus hərbiçisi yanındakından onun niyə qışqırdığını soruşur. Erməni olan tərcüməçi isə deyir ki, o yerli camaatı rusları qırmağa səsləyir. Buna inanan hərbiçi öz tapançası ilə onu vurur”.

Türbə kərpicdən tikilib. Məqbərinin günbəzi qübbə formasındadır. Türbə bir otaqdan ibarətdir. Abidənin içərisində qəbir yoxdur və ehtimal edilir ki, qəbrin üstünü torpaq örtüb. Bu qəbrin başdaşı hal-hazırda Gəncə şəhər Dövlət Tarix Muzeyində saxlanılır.

Foto Gencexeber.az
Foto Gencexeber.az
Foto Gencexeber.az
Foto Gencexeber.az
Foto Gencexeber.az
Foto Gencexeber.az

Mənbələr:

  1. https://az.trend.az/azerbaijan/culture/2470353.html
  2. http://www.kepeztv.az/news/id/889
  3. Azərbaycan Respublikası məscidlərinin ensiklopediyası. Bakı-2001.
  4. https://www.youtube.com/watch?v=oJyR-BgTUDo

Ən Çox Oxunan