1606-cı ildə Şah Abbas Gəncəni indiki yerə köçürdükdən sonra burada məskən salır.
O, burada məscid, hamam, karvansaraylar, bazarlar, körpülər inşa etdirir və Gəncə əhalisini təzə saldığı şəhərə köçürməyə başlayır. Həmin dövrdə Gəncədə bir sıra yaşayış evləri də tikilir.
XVII-XVIII əsrlərdə inşa edilən bu evlərin əsas xüsusiyyəti onların üstü gəc məhlulu ilə inşa edilmiş günbəzlə örtülü olmasıdır. Bu səbəbdən belə tip yaşayış binaları “günbəzli ev” kimi tanınır. Günbəzli evlər, əsasən, iki cür olur: kvadrat təmələ malik olan evlər və uzunsov düzbucaqlı təməlli evlər. Evlərin inşasında kərpicdən, həmçinin gəcdən istifadə olunub.
Günbəzli evlərin daha qədim nümunələri birotaqlı idi. Daha sonra isə iki və üçotaqlı evlərin inşasına üstünlük verilirdi.
Şəhərdə dövrümüzə gəlib çatan bir neçə günbəzli ev mövcuddur. Onlardan: Şəddadilər küçəsi 24 A-da, Zeynalabdin Tağıyev küçəsi 52-də, Nizami küçəsində, 5-ci döngə 33-də, İsmət Qayıbov küçəsi, 1-ci döngədə yerləşən evləri qeyd etmək olar. Bu evlər yerli əhəmiyyətli tarix və mədəniyyət abidələridir.
Mənbələr:
