Qədim Məscid bazarı Gəncənin Şah Abbas meydanında, Şah Abbas məscid kompleksinin cənub hissəsində, indiki Uşaq Mərkəzinin yerində yerləşib. Bu bazar XVII əsrin əvvəllərində inşa edilib. Bəzi mənbələrdə bazarın adı “Məscid passajı” kimi çəkilir.
Bu bazar örtülü bazarlar sırasına aid olub. Bazarın binası düzbucaq formada inşa edilmiş, tavanı iri günbəzlə örtülmüşdür. Bina divarlarının hündürlüyü 2,5-3 metr təşkil edib. Bu bazarda, əsasən, pal-paltar satılıb. Burada, həmçinin ət dükanları və emalatxana yerləşib.
1796-cı ildə Qarabağ xanı İbrahimxəlil xan gürcü hökmdarı II İrakli şəhəri mühasirə edərkən onu top atəşinə tutur. Nəticədə bazarın günbəzləri dağıdılır.
Bazar XX əsrin əvvəllərində ləğv edilmişdir.
Mənbələr:
