Abidə Gəncə şəhərinin Şahsevənlər məhəlləsindəki Gəncə küçəsi, 9-cu döngə ünvanında yerləşir.
Bu tikili albanlara aid tarixi abidə hesab edilir və onun inşa tarixi İslamdan əvvəlki dövrə aid olunur. Azərbaycan Respublikası məcsidlərinin ensiklopediyasında verilən məlumata əsasən, məbəd İslam dininin intişar tapdığı ilk dövrlərdə İslama dəvət ocağı kimi fəaliyyət göstərmişdir. Təbliğat nəticəsində albanların bir qismi İslam dinini qəbul edən vaxtdan yerli albanlar xristian məbədini yenidən quraraq, onu məscidə çevirmişlər.
Bina sovet dövründə anbar kimi istifadə edilib. Daha sonra burada təmir-bərpa işləri aparılıb və Xalqlar Dostluğu Muzeyi yerləşdirilib. 1989-cu ildə muzey ləğv edilib.
Müstəqillik dövründə - 1995-ci ildən başlayaraq bura mesxeti türklərinin ibadətgahı kimi fəaliyyət göstərmişdir. Bu dövrdə abidə “Şahsevənlər məhəlləsi Cümə məscidi” adını daşıyırdı. 2009-cu ildə isə məscid bağlanmışdır.
Müəyyən dövrlərdə ermənilər bu abidəni erməni kilsəsi kimi qələmə verməyə çalışmışlar. Onlar tikilinin adını “Müqəddəs Sərkis kilsəsi” kimi qələmə verərək, tarixi saxtalaşdırmağa cəhd ediblər.
İbadətgah qırmızı kərpicdən inşa edilib. Buranın sahəsi 570 kv.metr təşkil edir. Abidənin ibadət zalı 8 tağdan ibarətdir. İbadətgahın tavanı 6 sütun üzərində dayanıb.
Hazırda burada 13-14 saylı kitabxanalarının filialı fəaliyyət göstərir. Bina yerli əhəmiyyətli abidə kimi qorunur.
Mənbələr:
[modula id="52835"]
