İsrafil Məhərrəm oğlu Məmmədov 16 mart 1919-cu ildə anadan olub. Cəmi 27 il ömür sürən İsrafil Məmmədov zəmanəsinin ən mühüm ordenləri hesab edilən "Qırmızı ulduz" və “Lenin“ ordenlərinə layiq görülmüşdür. Ölkənin ən nüfuzlu qəzetləri İsrafil Məmmədov haqqında yazılar verirdi. Ən əsası isə Məmmədov Sovet İttifaqı Qəhrəmanı adını almış ilk azərbaycanlı olmuşdur və bu ada 22 yaşında layiq görülmüşdür. Bu mükafat ona 3 dekabr 1941-ci ildə baş verən döyüşdən sonra verilmişdir:
3 dekabr 1941-ci ildə Novqorodun kənarındakı İlmen gölü ərazisində baş serjant Məmmədovun başçılıq etdiyi dəstə mühüm mövqeni müdafiə edirdi. Rotanın mövqeyi Pustınka kəndindən kənarda yerləşən bataqlıq ərazidə yerləşirdi. Sovet qoşunlarının yerləşdiyi yerə soxulmuş nasistlər İsrafil Məmmədovun dəstəsinin əlaqəsini əsas qüvvələrdən kəsirlər. Məmmədovun başçılıq etdiyi 20 nəfərdən ibarət dəstə qeyri-bərabər döyüşə başlayır. 10 saat ərzində sovet əsgərləri nasistlərin bütöv bir batalyonunun hücumlarını dəf edirlər və əlavə qüvvələr gələnə qədər mövqelərini saxlayırlar. Bu döyüşdə 300-ə yaxın nasist həlak olur. Baş serjant Məmmədov düşmənin 70 əsgərini və 3 zabitini şəxsən məhv edir.
Mənbələr:
