Bu gün, 30 sentyabr tarixində Azərbaycanın ən dərin gölü olan Göygölün yaranma günüdür.
Gencexeber.az məlumat verir ki, 1139-cu ildə Gəncədə baş vermiş zəlzələ nəticəsində Kəpəz dağının bir hissəsi uçaraq Ağsuçayın qarşısını kəsib. Nəticədə şəffaf suyu olan Göygöl yaranıb. Göygöl ərazisində ümumilikdə 19 göl var. Bunlardan 7-si böyük göllər sırasına daxildir.
Göygöl dəniz səviyyəsindən 1556 metr yüksəkliyində yerləşir. Uzunluğu 2800 metr, eni 800 metrdən 1000 metrə qədərdir. Dərinliyi isə 96 metrdir. Gölün görünmə qabiliyyəti 8-10 metrdir.
Qeyd edək ki, Göygöl Dövlət Təbiət Qoruğu 1925-ci ildə Azərbaycanda yaradılmış ilk qoruqdur.
