Həcər Emin qızı Hüseynova (Umani) 20 fevral 1962-ci ildə Gəncədə anadan olub.
O, Gəncədə 18 saylı orta məktəbi, 1984-cü ildə Azərbaycan Dövlət Pedaqoji Universitetinin filologiya fakültəsini bitirmişdir. Həcər Hüseynova 2002-ci ildən Azərbaycan Dövlət Pedaqoji Universiteti (ADPU) filologiya fakültəsinin Azərbaycan dilçiliyi kafedrasında çalışır. 2002-ci ildə elmlər namizədi, 2009-cu ildə dosent, 2014-cü ildə isə filologiya elmləri doktoru elmi dərəcələri və adlarını almışdır. O, 2019-cu ildən ADPU-nun professorudur.
Hüseynova, həmçinin ADPU-nun filologiya fakültəsi Elmi Şurasının elmi katibi, “Müəllim sözü” qəzetində baş redaktorun müavini, “Linqvistika problemləri” jurnalının elmi katibi, ASKEF Bilim kurumunun (Türkiyə) Azərbaycan üzrə təmsilçisi, Türkiyə Cümhuriyyətində İKSAD-nin təşkilatçılığı ilə bütün dünyada keçirilən Beynəlxalq kongrelərin Təşkilat və Bilim kurulu üzvü kimi vəzifələr icra edib.
Həcər Hüseynova 2016/17-ci illərdə elmi-pedaqoji və bədii yaradıcılığına görə Prezidentin xüsusi təqaüdünə layiq görülmüşdür. O, elmi fəaliyyətinə görə, 50-dən artıq beynəlxalq və respublika miqyaslı sertifikat, diplom və təşəkkürnamə ilə mükafatlandırılıb.
Mənbələr:
