Hər ilin 31 dekabr tarixi Dünya Azərbaycanlılarının Həmrəyliyi Günü kimi qeyd edilir.
Bu tarixinin rəsmiləşdirilməsi ümummilli lider Heydər Əliyevin adı ilə bağlıdır.
31 dekabrın Dünya Azərbaycanlılarının Həmrəyliyi bayramı kimi qeyd edilməsi barədə qərar 16 dekabr 1991-ci ildə Naxçıvan Muxtar Respublikası Ali Məclisinin Heydər Əliyevin sədrliyi ilə keçirilən iclasında qəbul olundu. Həmin ilin 25 dekabr tarixində Azərbaycan Respublikası Ali Sovetinin Milli Şurası hər il 31 dekabrın Azərbaycanlıların Həmrəyliyi Günü elan olunması barədə Sərəncam verdi.
1989-cu ildə Azərbaycanda ölkənin bütövlüyü arzusu ilə Güney Azərbaycanla həmrəyliyi göstərmək üçün sərhəd boyunca şüarlar, milli ruhlu şeirlər, mahnılar səsləndirilib. Bundan təşvişə düşən SSRİ dövlət xadimləri hərəkatçılara mane olmağa çalışıb, lakin buna nail ola bilməyiblər. 31 dekabr 1989-cu ildə bütün çətinliklərə baxmayaraq, SSRİ - İran sərhədində olan çəpərləri dağıdaraq Arazın hər iki tərəfində olan azərbaycanlılar qovuşdular.
