Azərbaycan Ordusunun 27 sentyabr 2020-ci ildə başladığı “Dəmir Yumruq” əməliyyatı nəticəsində oktyabrın 4-də Cəbrayıl şəhəri erməni işğalından azad edilib. Nəticədə Cəbrayıl 44 günlük Vətən müharibəsində işğaldan azad edilən ilk rayon olub.
Cəbrayıl şəhərindən başqa, oktyabrın 4-də Cəbrayıl rayonunun daha doqquz kəndinin - Karxulu, Şükürbəyli, Mahmudlu, Cəfərabad, Yuxarı Maralyan, Çərəkən, Daşkəsən, Horovlu, Decalın işğalına da son qoyulduğu bildirilib.
16 noyabr 2020-ci ildə Prezident İlham Əliyev və birinci xanım Mehriban Əliyeva işğaldan azad olunan Cəbrayıl rayonunda səfərdə olublar. İlham Əliyev Cəbrayıl şəhərində və Xudafərin körpüsündə Azərbaycan Bayrağını qaldırıb.
Cəbrayıl rayonunun ərazisi Birinci Qarabağ müharibəsi dövründə - 23 avqust 1993-cü ildə Ermənistan ordusu tərəfindən işğal edilib.
