Hər il oktyabrın 5-də yüzdən çox ölkə Beynəlxalq Müəllimlər Gününü qeyd edir. Bu bayramın qeyd edilməsi 1966-cı ildə UNESCO tərəfindən müəllimlərin statusuna dair Xüsusi Hökumətlərarası Konfrans keçirilməsi ilə bağlıdır. Bu konfransda müəllimlərin statusunun artırılması ilə bağlı tövsiyə xarakterli sənəd də qəbul olunub.
Azərbaycanda Beynəlxalq Müəllimlər Günü 1993-cü ildən qeyd edilir. Bu günün qeyd olunması müəllimlərin cəmiyyətdəki mövqeyini, təhsil və inkişafdakı roluna diqqət çəkməyi nəzərdə tutur.
