Tofiq Məmməd oğlu Əliyev 1 iyun 1928-ci ildə Gəncə şəhərində anadan olub.
O, 1945-ci ildə Gəncə şəhərində 4 saylı orta məktəbi ,1951-ci ildə indiki Azərbaycan Dövlət Neft və Sənaye Universitetinin (ADNSU) energetika fakültəsini bitirib. Əliyev 1954-cü ildə texnika üzrə fəlsəfə doktoru, 1967-ci ildə texnika üzrə elmlər doktoru elmi dərəcəsini, 1969-cu ildə professor elmi adını alıb. O, ADNSU-da assistent (1954-1956), dosent (1956-1959), kafedra müdiri (1972-1993), prorektor (1988-1989), rektor (1989-1993) vəzifələrində çalışıb.
Məmmədovun elmi fəaliyyəti informatika və hesablama texnikası sahəsinə həsr olunmuşdur. Onun tədqiqatları əsasında neft sənayesinin müxtəlif sahələrində geniş tətbiq edilən bir sıra informasiya-ölçmə sistemləri hazırlanmışdır. O, neft mədənlərinin avtomatlaşdırılması üçün kompleks sistemlərinin yaradılması və tətbiqi ilə məşğul olmuşdur. Məmmədov Xətaların iterasiyalı korreksiyası nəzəriyyəsinin yaradıcısıdır.
Alim 37 monoqrafiya və kitabın, 227 məqalənin, 213 ixtiranın müəllifidir. Rəhbərliyi altında 38 fəlsəfə doktoru və 5 elmlər doktoru hazırlanmışdır. O, 1980-ci ildə Azərbaycan Elmlər Akademiyasının müxbir üzvü, 1989-cu ildə isə həqiqi üzvü seçilmişdir.
Əliyev 2 dəfə SSRİ və Azərbaycan SSR Dövlət mükafatları laureatı olmuş, Əməkdar elm xadimi fəxri adına və “Şərəf nişanı” ordeninə layiq görülmüşdür.
Akademik Tofiq Əliyev 6 noyabr 1993-cü ildə Bakıda vəfat edib və Fəxri xiyabanda dəfn olunub.
Mənbələr:
