Günəş və Aslan abidəsi Gəncə şəhərindəki Heydər Əliyev prospektində salınmış kiçik park ərazisində yerləşir. Abidənin açılışı 15 iyun 2004-cü ildə Prezident İlham Əliyevin Gəncə səfəri zamanı baş tutub.
Abidə hündür sütun şəklində düzəldilib. Səkkizguşəli sütunun üzərində Aslan və Günəş həkk olunub. Abidənin hündürlüyü 12 metrdir.
Aslan və Günəş qədim Azərbaycan, türk totemlərindəndir. Bu təsvir Səfəvilər dövlətindən əvvəl Hun, Qaraxanlı, Göktürk, Uyğur, Məmlük, Səlcuqlu Ağqoyunlu, Elxanilər, Teymurilər tərəfindən istifadə edilmişdir, sonradan Naxçıvan və İrəvan xanlıqları Aslan və Günəş simvolunu türk-İslam anlayışı kimi davam etdirmişdir. Aslan güc və hakimiyyət, Günəş ağıl, idrak anlamlarına uyğun gəlir. Aslan və Günəş ağılın güc üzərində qələbəsinin rəmzidir.
Mənbələr:
