Bu gün şəhid Orxan Yusubovun anadan olmasından 31 il ötür.
Yusubov Orxan Allahverdi oğlu 19 yanvar 1992-ci ildə Gəncə şəhərində dünyaya göz açıb. İgidimiz Vətən müharibəsinin ilk günlərindən döyüşlərdə iştirak edib. Yusubov Orxan 27 sentyabr 2020-ci il tarixində Murovdağ istiqamətində döyüş tapşırığının yerinə yetirilməsi zamanı şəhadətə ucalıb.
Orxan Yusubovun uzun müddətdən sonra tapılan nəşi 4 iyun 2021-ci il tarixində Gəncə şəhərinin Şəhidlər xiyabanında dəfn olunub. Fəxrimiz ölümündən sonra “Vətən uğrunda”, “Cəsur döyüşçü” və “Kəlbəcərin azad olunmasına görə” medalları ilə təltif olunub.
