Gəncə şəhər Mənzil Kommunal Təsərrüfatı İstehsalat Birliyinin (MKTİB) İşıqlandırma şöbəsi tərəfindən şəhərin Zeynal Xəlil küçəsində yeni işıqlandırma sistemi qurulub.
Gencexeber.az bildirir ki, MKTİB tərəfindən adıçəkilən küçədə 31 ədəd yeni dayaq basdırılıb, 900 metr məsafədə kabel xətti çəkilib və hər dayağa 100 vatt gücündə LED lampaları olan plafonlar yerləşdirilib.
Bununla da Zeynal Xəlil küçəsinin sakinlərinin küçə işıqlandırılması ilə bağlı problemlərinə son qoyulub.
Şəhərin Ağa Mirzə Əhmədov küçəsində isə istismar müddətini başa vuran lampalar yeniləri ilə əvəzlənib.
Görülən işlərə qurumun əməkdaşları və texnikaları cəlb olunub.
