Gəncədə Əbülüla Gəncəvi küçəsində yerləşən avtobus dayanacağında natəmizlik hökm sürür.
Gencexeber.az-a şikayət ünvanlayan şəhər sakinləri bildirirlər ki, dayanacaqda pavilyonun olmaması onsuz da problemdir.
Buna əlavə olaraq dayanacaqda yerləşdirilmiş zibil qutularının ağzına qədər dolu olması, ətrafın çirkab və üfunət ilə əhatələnməsi vəziyyəti daha da dözülməz edir.
Vətəndaşlar aidiyyəti qurumlardan məsələnin tez bir zamanda həll olunmasını tələb edirlər.
