Gəncədə piyada yol qəzasında ölüb.
Gencexeber.az-ın məlumatına əsasən, hadisə şəhərin Nəriman Nərimanov prospekti ilə Mirzə Abbas Abbaszadə küçəsinin kəsişməsində qeydə alınıb.
Hərəkətdə olan yük avtomobili yolu keçmək istəyən 50-60 yaş arasında qadını vurub. Qadın aldığı ağır xəsarətlərdən hadisə yerində ölüb.
Məlumata görə qadını vuran avtomobilin Gəncə şəhər Mənzil Kommunal Təsərrüfatı İstehsalat Birliyinə məxsus olduğu bildirilir.
Hazırda qadının kimliyi dəqiqləşdirilir. Hadisə yerinə polis əməkdaşları cəlb edilib.
Fakt araşdırılır.
