Gəncədə Natiq Hüseynov 29 (Əttarlar 2-ci Döngə) ünvanında iki aydan çoxdur ki, zibil qutuları boşaldılmır və məişət tullantıları toplanaraq ətrafda xoşagəlməz qoxu və mənzərə yaradıb.
Məsələ ilə bağlı Gencexeber.az-a şikayət ünvanlayan sakinlərin sözlərinə görə, məsul qurumlar tərəfindən zibilin yığışdırılmaması nəticəsində ərazidə antisanitar vəziyyət yaranıb:
"İki aydan çoxdur zibilin yığılmaması acınacaqlı vəziyyətdir. Bu hal ekoloji mühitə ziyan vurmaqla yanaşı, insan sağlamlığı üçün təhlükə yaradır. Yaxınlıqda qalan sakinlər üfunətdən həyətlərində vaxt keçirə bilmirlər.
Zibillərin təcili şəkildə yığışdırılmasını və bu ərazinin mütəmadi nəzarətə götürülməsini tələb edirik".
