Gəncədə şəhid Ayxan Musayevin doğum günü münasibəti ilə tikilən bulağın açılışı baş tutub. Bu haqda Gencexeber.az 18 sentyabr tarixində xəbər vermişdir.
Əldə etdiyimiz məlumata əsasən, tədbir zamanı küçədə çadır qurularaq ehsan verilib. Açılışda şəhidin yaxınları, şəhər sakinləri və Ombudsman Aparatının Gəncə Regional Mərkəzinin əməkdaşları iştirak ediblər.
Bulaq İsrafil Məmmədov, 1-ci döngə, sakinlərin adlandırdıqları “Qlavnı depo” mağazasının arxasındakı küçədə yerləşir.
Ayxan Mehman oğlu Musayev 22 sentyabr 2000-ci il tarixində Gəncə şəhərində anadan olmuşdur. 27 sentyabr 2020-ci il tarixində 2-ci Qarabağ Muharibəsində iştirak etmişdir. Vətən muharibəsi zamanı Fizuli, Xocavənd, Cəbrayıl və Şuşa uğrunda gedən döyüşlərdə iştirak etmişdir. 8 noyabr Şuşa ətrafında sağ çiynindən yaralanmışdır. Hospitala yerləşdirilən Ayxan Musayev 20 günə yaxın komada qalmışdır. O, noyabrın 28-i şəhidlik zirvəsinə ucalıb.
