Gəncə küçələrinin birində işıqlandırma sistemi yoxdur. Bu haqda Gencexeber.az-a 18 yanvar tarixində məlumat daxil olub.
Sözügedən hal Cavadbəy Rəfibəyli küçəsində müşahidə olunur. Burada işıq sistemi quraşdırılmayıb. Sakinlərin sözlərinə görə, gecə vaxtı ərazi zülmət qaranlıq olur.
"Qış vaxtıdır, hava tez qaralır. Oğul-uşaq dərsdən, hazırlıqdan gələndə çox qaranlıq olur. Özümüz də işdən qayıdanda çətinlik çəkirik", - deyə onlar bildiriblər.
Qeyd edək ki, həmin küçədə 3 nömrəli peşə məktəbi, Gəncə Dövlət Universitetinin korpusu, məcburi köçkünlərin yaşadığı yataqxana yerləşir.
