Gəncənin ən problemli küçələrindən birində yenə kommunal qəza baş verib. Bu haqda Gencexeber.az-a 25 yanvar tarixində məlumat daxil olub.
Söhbət Aida İmanquliyeva küçəsindən gedir. Burada sakinləri içməli su ilə təmin edən boru partlayıb. Nəticədə küçə boyunca bəzən Atatürk prospektinədək su axır. Bu hal bir neçə gündür davam edir.
Küçənin avtomobillər hərəkət edən hissəsi boyunca su axdığı üçün səkiyə yaxın hissələrində palçıq əmələ gəlib. Piyadalar yolu keçmək istəyəndə ayaqlarının palçığa batdığını və sürüşdüklərini deyirlər.
