Gəncədə ilk dəfə olaraq aerobika gimnastikası üzrə 9-cu ölkə birinciliyi keçirilib.
Gencexeber.az bildirir ki, Gəncə İdman Sarayında baş tutub yarışda iştirak edən gimnastlar müxtəlif yaş kateqoriyaları və proqramlar üzrə çıxış ediblər.
Proqram çərçivəsində:
Balacalar (2017–2018) – fərdi çıxışlar;
Uşaqlar (2014–2016) – fərdi, qarışıq cütlük, üçlük və qrup proqramları;
Yeniyetmələr (2011–2013) – fərdi, qarışıq cütlük, üçlük, qrup və aerodans proqramları;
Gənclər – fərdi və üçlük kompozisiyaları təqdim ediblər.
Yarışda "Ocaq Sport" Klubu və Sumqayıt Olimpiya İdman Kompleksini təmsil edən ümumilikdə 60-a yaxın gimnast iştirak edib.
Fərqlənən iştirakçılar medal və diplomlarla mükafatlandırılıblar.
Yarış, həmçinin gənc gimnastlarımız üçün 9-11 noyabr tarixlərində Gəncədə ilk dəfə keçiriləcək Gənclər və 15 yaşadək gimnastlar arasında 1-ci Avropa çempionatına sınaq xarakteri daşıyıb.
