Azərbaycan Texnologiya Universitetində yeni mərkəz yaradılıb. Bu haqda 16 avqust tarixində universitetə istinadən xəbər veririk.
Universitetin daxilində fəaliyyət göstərən Abituriyentlərə Dəstək Mərkəzi tərəfindən abituriyentlərə tələbə qəbulu, elektron ixtisas seçimi ərizəsinin doldurulma və təsdiq edilməsi qaydaları, müsabiqə şərtləri, ixtisas seçimi zamanı diqqət yetirilməli olan vacib məsələlər və s. haqqında ödənişsiz kömək göstəriləcək.
Mərkəz ixtisas seçimi müddətində şənbə və bazar günləri istisna olmaqla hər gün saat 10:00-dan 17:00-dək fəaliyyət göstərir.
Qeyd edək ki, universitet Şah İsmayıl Xətai prospekti, 103-də yerləşir. Əlaqə nömrəsi: (055) 833 00 01
