Gəncədə Xocalı faciəsi ilə əlaqədar tədbir keçirilib. Bu haqda 25 fevral tarixində Gənclər və İdman İdarəsinə istinadən məlumat veririk.
"Xocalı - faciədən doğan intiqam" mövzusunda tədbir Gənclər və İdman Baş İdarəsinin və Gənclər Evinin birgə təşkilatçılığı, Ombudsmanın Qərb Regional Mərkəzi, Dini Qurumlarla İş üzrə Dövlət Komitəsinin Gəncə bölgəsi üzrə şöbəsi və Gəncə KOBİA-nın tərəfdaşlığı ilə baş tutub.
Burada Gənclər və İdman Baş İdarəsinin rəis müavini Vüsal Mirzəyev, Gənclərlə iş sektorunun müdiri Rəşad Əlizadə, Gənclər Evinin direktoru Amil Qurbanov, Ombudsmanın Qərb Regional Mərkəzinin rəhbəri Səbuhi Abbasov, Dini Qurumlarla İş üzrə Dövlət Komitəsinin Gəncə bölgəsi üzrə şöbəsinin müdiri Həsən Məmmədov, KOBİA-nın əməkdaşı Nəzrin Tağıyeva, GDU-nun dosenti Elnur Hacıyev çıxış ediblər. Onlar əsrin faciəsi barədə danışıblar.
Sonda Dini Qurumlarla İş üzrə Dövlət Komitəsinin (DQİDK) tabeliyində fəaliyyət göstərən Mənəvi Dəyərlərin Təbliği Fondunun nəşr etdiyi müxtəlif adda kitablar və ədəbiyyatlar iştirakçılara təqdim edilib.
