Gəncədə gənclər üçün yeni layihə həyata keçiriləcək. Bu haqda Gencexeber.az-a 2 avqust tarixində məlumat daxil olub.
“Algo Academy” “Western Future” adlı təqaüd proqramına qeydiyyat aparır. Layihə çərçivəsində 100 nəfər 9 aylıq təhsil proqramına təqaüd qazana bilər. Proqram 12-18 yaş arası proqramlaşdırma öyrənmək istəyən gənc və yeniyetmələr üçün nəzərdə tutulub.
İlkin mərhələdə linkə daxil olaraq, formanı doldurmaq tələb olunur. Burada xüsusi önəm motivasiya məktubuna (minimal 200 söz olmalıdır) verilir. Son müraciət tarixi 10 avqustdur.
Seçim mərhələsini keçən şəxslər imtahana dəvət olunacaqlar. Proses 2 saat davam edəcək.
Əlavə suallar üçün (077) 444 90 10 nömrəsi ilə əlaqə saxlamaq lazımdır.
