Gəncədə bir qrup universitet əməkdaşı təltif olunub. Bu haqda 23 fevral tarixində UTECA-ya istinadən məlumat veririk.
Azərbaycan Texnologiya Universitetində Elmi Şuranın iclası keçirilib. Universitetin rektor əvəzi, Elmi Şuranın sədri Yaşar Ömərov gündəlikdə duran məsələləri şura üzvlərinin diqqətinə çatdırıb. Daha sonra qış imtahan sessiyasının ilkin nəticələri və təhsilin keyfiyyətinin yüksəldilməsi haqqında Raqif Hüseynovun, Məntiq Cəfərovun, Hamlet Kəsəmənlinin çıxışları dinlənilib. Bu barədə müzakirələr aparılıb, tövsiyə və tapşırıqlar verilib.
Daha sonra Xarici dillər, İctimai elmlər və multikulturalizm kafedra müdirlərinin hesabatları dinlənilib.
İclas zamanı Yusif Hümbətov Ali Attestasiya Komissiyası tərəfindən iqtisad elmləri doktoru, Minurə Kərimova iqtisad elmləri üzrə fəlsəfə doktoru elmi dərəcəsinə layiq görülmələri münasibətilə, eləcə də bir qrup əməkdaş yubileyləri münasibətilə təltif olunublar.
