Gəncədə “Heydər Əliyev ili”nə həsr olunmuş tədbir baş tutub. Bu haqda 25 fevral tarixində İcra Hakimiyyətinə istinadən məlumat veririk.
“Gənclərin vətənpərvərlik ruhunda tərbiyəsi ölkəmizin gələcəyinin rəhnidir” mövzusunda konfrans İcra Hakimiyyəti, Şəhər Ağsaqqallar Şurası və Azərbaycan Texnologiya Universitetinin birgə təşkilatçılığı ilə keçirilib. Tədbir UTECA-da təşkil olunub. Burada Azərbaycan Ağsaqqallar şurasının sədr müavini Bayram Yusifov, Gəncə şəhər Ağsaqqallar şurasının sədri, UTECA-nın rektor əvəzi Yaşar Ömərov, İcra Hakimiyyətinin nümayəndəsi, YAP Gəncə Şəhər Təşkilatının nümayəndəsi, müharibə iştirakçıları, ali və orta ixtisas təhsil müəssisələrinin ictimai fənn müəllimləri, alimlər, ictimai təşkilat rəhbərləri, orta məktəb nümayəndələri və tələbələr iştirak ediblər.
Konfransda “Milli dəyər olan vətənpərvərlik tərbiyəsinin əsas istiqamətləri” və “Gənclərin vətənpərvərlik tərbiyəsində Heydər Əliyevin rolu” adlı məruzələr dinlənilib. Tədbir iştirakçılarına fəxri fərmanlar, təşəkkürnamələr və tərifnamələr verilib.
