Gəncədə yol-nəqliyyat hadisəsi baş verib. Bu haqda 9 iyun tarixində Report-a istinadən məlumat veririk.
Hadisə şəhər ərazisində fəaliyyət göstərən ticarət mərkəzlərindən birinin qarşısında qeydə alınıb. Motosiklet və minik avtomobili toqquşub. Nəticədə motokuryer kimi çalışan Əli Rövşən oğlu Nağıyevin qolu sınıb.
O, xəstəxanaya yerləşdirilib. Kuryerin vəziyyətinin orta ağır olduğu bildirilir.
Faktla bağlı araşdırma aparılır.
