Gəncədə tibb müəssisələrinin işçiləri üçün təlim keçirilib. Bu haqda 28 fevral tarixində şəhər Birləşmiş Xəstəxanasına istinadən məlumat veririk.
Qərb bölgəsinin tibb müəssisələrində çalışan informasiya texnologiyaları əməkdaşları üçün təlim Abbas Səhhət adına xəstəxanada təşkil olunub. Seminar İcbari Tibbi Sığorta üzrə Dövlət Agentliyinin İnformasiya Texnologiyaları və İnnovasiyalar idarəsi və Birləşmiş Xəstəxananın birgə təşkilatçılığı ilə baş tutub.
Burada Gəncə ilə yanaşı, Şəmkir, Göygöl, Goranboy, Samux, Naftalan, Gədəbəy, Daşkəsən, Xocalı və Ağstafadan olan informasiya texnologiyaları üzrə mütəxəssislər iştirak ediblər.
Təlimin məqsədi İT sahəsində çalışan əməkdaşların bilik və bacarıqlarının artırılması olub.
