Gəncədə tələbələrlə görüş keçirilib. Bu haqda 14 mart tarixində GDU-ya istinadən məlumat veririk.
1 saylı Mediasiya Təşkilatının təsisçiləri Südabə Məmmədova və Kübra Ələkbərova Gəncə Dövlət Universitetində olublar. Burada tələbələrə mediasiya anlayışı, tərəflərin qarşılıqlı anlaşmasında mediasiyanın yaratdığı imkanlar haqqında məlumat verilib.
Tədbirdə ekspert qismində vəkillər və mediatorlar Kərim Məmmədov, Anar Abdullayev, Ramil Əliyev, Natiq Əliyev iştirak ediblər. Onlar mübahisələrin həlli məsələsində mediasiyanın faydası və gələcək perspektivləri barədə danışıblar.
Sonda tələbələrin sualları cavablandırılıb və mediasiya sahəsində təklifləri dinlənilib.
