Gəncədə informasiya sessiyası keçirilib. Bu haqda 26 oktyabr tarixində ATU-ya istinadən xəbər veririk.
Sessiya Azərbaycan Texnologiya Universitetində İnnovasiya Mərkəzi tərəfindən təşkil olunub. Burada strateji inkişaf və rəqəmsallaşma üzrə müşavir Mehman Kərimov, İnnovasiya Mərkəzinin direktoru Şamo Salayev, mərkəzin mütəxəssisləri Aqşin Hüseynov, Tural Rüstəmov, dizayn klubunun rəhbəri Mobil Qarayev və innovasiya sahəsində ekspertlər iştirak ediblər. Onlar mərkəzdə təşkil olunan kurslar və yeni klublar haqqında tələbələrə məlumat veriblər.
Tədbirdə İnnovativ texnologiyalar və inkişaf, oyunların istehsalı və bu sənayenin son tendensiyaları, perspektivləri, kibertəhlükəsizlik məsələləri, innovativ iqtisadiyyat və “yaşıl qida” info-sessiyası, davamlı inkişaf və innovasiya yolu ilə ekoloji problemlərin həlli məsələləri müzakirə edilib.
Sonda tələbələri maraqlandıran suallar cavablandırılıb.
