Gəncədə məzunlarla görüş keçirilib. Bu haqda 2 avqust tarixində Regional Təhsil İdarəsinə istinadən xəbər veririk.
Gəncə-Daşkəsən Regional Təhsil İdarəsinin tabeliyində fəaliyyət göstərən ümumtəhsil məktəblərini müxtəlif nailiyyətlərlə başa vuran məzunlarla görüş olub. Tədbirdə, həmçinin Təhsil İdarəsinin müdiri Anar Qədiməliyev, Mərkəzi klinikanın ürək-damar cərrahiyyəsi şöbəsinin müdiri Vüqar Qapaqov və Heydər Əliyev adına Müasir Təhsil Kompleksində əməliyyatlar üzrə baş menecer Tural Abbasov və cari il məktəbi bitirən gənclər iştirak ediblər.
Burada məzunlarla uğurlu karyera mövzusunda söhbət aparılıb. Şagirdlərin nailiyyətləri ilə bağlı sorğu keçirilib, təklifləri dinlənilib və onları maraqlandıran suallar cavablandırılıb.
