Gəncədə su-kanalizasiya layihəsinin növbəti mərhələsi başlayıb. Bu haqda 28 dekabr tarixində Kəpəz televiziyasına istinadən məlumat veririk.
Təxminən 5 aydır davam edən birinci mərhələ işləri çərçivəsində şəhərin Pərviz Səmədov, Şota Rustaveli, Ordubadi, Şahsevənlər və Almaz İldırım küçələrində magistral su və kanalizasiya boruları yer altına salınıb.
Hazırda Təbriz küçəsində bütün işlər yekunlaşıb. Görülən işlər çərçivəsində ərazidə asfaltlanma işləri də həyata keçirilib. Ümumi uzunluğu 1,5 km olan küçədə tam asfaltlanma işlərinin ilin sonuna kimi başa çatdırılması nəzərdə tutulur.
Qeyd edək ki, 2025-ci ilə kimi su kanalizasiya xətlərinin yenilənməsi işləri çərçivəsində ümumilikdə 70 km su və 66,4 km kanalizasiya xətlərinin çəkilməsi planlaşdırılır.
