Gəncədə qanvermə aksiyası keçirilib. Bu haqda 28 iyul tarixində İcra Hakimiyyətinə istinadən məlumat veririk.
Aksiya məhərrəm ayı ilə əlaqədar olaraq Aşura günündə təşkil olunub. Səhər saatlarından başlayaraq, sakinlər gün ərzində Mərkəzi Qan Bankının Gəncə Bölməsinə yaxınlaşıb, qan veriblər.
Öncə həkim-hematoloqlar tərəfindən hər bir donorun sağlamlıq imkanları müəyyənləşdirilib. Hərtərəfli tibbi müayinədən sonra onlardan qan götürülüb.
Qeyd edək ki, toplanan qan ehtiyatı yoxlanılaraq talassemiya, hemofiliya və leykoz xəstəliyindən əziyyət çəkən şəxslər üçün istifadə olunacaq.
