Gəncədə idman və əyləncə meydançasından istifadə edən sakinləri narahat edən məsələ var. Bu haqda Gencexeber.az-a 1 avqust tarixində məlumat daxil olub.
Söhbət şəhərin Atatürk prospektində sakinlərin istirahəti və idman etməsi üçün salınan meydançadan gedir. Həmin ərazidə, həmçinin çayxana yerləşir. İdman etməyə gələn qadın sakinlər isə bundan narahat olduqlarını bildirirlər. Onlar çayxananın ətrafına çəpər çəkilməsini istəyirlər.
“Bu meydança salınanda çox sevindik. Lakin yay fəslində çayxanaya gələnlər açıq havada otururlar. Bu səbəbdən rahat idman edə bilmirik. Çayxananın ətrafında məhəccər var, lakin biz çəpər çəkilməsini arzu edirik”, - deyə onlar qeyd ediblər.
