Gəncədə sahibkarlarla və sakinlərlə görüş təşkil olunub. Bu haqda 28 mart tarixində “AzəriQaz”a istinadən xəbər veririk.
“Azəriqaz” İstehsalat Birliyinin əməkdaşları sahibkarlarla və sakinlərlə görüşublər. Burada Regional Qaz İstismarı İdarəsinin rəisi görülən işlər haqqında məlumat verib. Daha sonra "Açıq mikrofon" vətəndaşların ixtiyarına verilib. Sahibkarlardan İlqar Hacıyev, sakinlərdən isə Valeh İbrahimov mərasim evinin qazlaşdırılmasını xahiş ediblər.
Müraciətlər arasında yeraltı qaz xətlərinin yerinin dəyişdirilməsi və qaz sayğaclarının yenisi ilə əvəzlənməsi kimi məsələlər də yer alıb. Daxil olan hər bir müraciət aidiyyəti üzrə yönləndirilməsi üçün qeydiyyata alınıb.
