Gəncədə sahibkarlar üçün təlim təşkil olunub. Bu haqda 31 avqust tarixində KOBİM-ə istinadən məlumat veririk.
"Satış" mövzusunda maarifləndirici təlim Gəncə KOB İnkişaf Mərkəzi (KOBİM) tərəfindən keçirilib. Burada 23 nəfər iştirak edib. KOBİM-in eksperti tərəfindən satış haqqında əsas anlayışlar, satış strategiyasının qurulması, satışın növləri, peşəkar satış komandasının formalaşdırılması, marketinq və CRM-in satışda rolu, biznesdə ilkin zəruri kapital və onun idarə olunması, dövriyyənin genişləndirilməsi ilə bağlı məlumat verilib. Bundan başqa, investisiyanın cəlb edilməsi üsulları, nizamnamə kapitalı və gəlir mənbələrinin yaradılması üsulları, korporativ satış texnikaları və aparılması, effektiv satış metodları, müştərilərlə iş barədə danışılıb.
Təlimin sonunda iştirakçıların mövzu ilə bağlı sualları cavablandırılıb.
