Gəncədə bəzi küçələr işıqlandırılmır. Bu haqda Gencexeber.az-a 8 sentyabr tarixində məlumat daxil olub.
Sözügedən hal şəhərin Cavad bəy Rəfibəyli küçəsində müşahidə edilir. Axşam saatlarında ərazi işıqlandırılmır. Bu hal sakinlər üçün çətinlik yaradır.
“Hava qaralandan sonra küçə ilə gəzmək mümkün deyil. Zülmət qaranlıq düşür. Küçədə işıqlandırılma üçün dirəklər qoyulmayıb. Ərazinin işıqlandırılmaması səbəbindən çətinliklər yaşayırıq”, - deyə onlar bildiriblər.
