Gəncədə musiqi məktəbində konsert təşkil olunub. Bu haqda 6 fevral tarixində 2 saylı Uşaq musiqi məktəbinə istinadən məlumat veririk.
2 saylı Uşaq musiqi məktəbində keçirilən tədbir dünya şöhrətli dahi bəstəkar Q.Qarayevin anadan olmasının 105-ci ildönümü münasibətilə baş tutub. Nəzəriyyə şöbəsinin müəllimi Səkinə Salmanova iştirakçılara bəstəkarın həyat və yaradıcılığından geniş məlumat verib.
Daha sonra məktəbin şagirdləri - klarnet ixtisası üzrə Əlirəhim Şirinov (V sinif), skripka ixtisası üzrə Ömər Əkbərli (V sinif), kamança ixtisası üzrə Tamara Qurbanova (lll sinif) dahi bəstəkarın əsərlərindən nümunələr səsləndiriblər.
