Gəncədə avtomobil qəzasının fəsadları aradan qaldırılır. Bu haqda 28 fevral tarixində Mənzil Kommunal Təsərrüfatı İstehsalat Birliyinə istinadən məlumat veririk.
Heydər Əliyev prospektində ötən gün nəqliyyat hadisəsi baş verib. Nəticədə metal konstruksiyadan ibarət səki çəpərinə zərər dəyib. MKTİB-nin Təmir-Tikinti və Qəza xidməti şöbəsinin əməkdaşları tərəfindən adıçəkilən ərazidə çəpərin bir hissəsi sökülərək təmir məqsədilə qurumun emalatxanasına aparılıb.
Bildirilib ki, qısa müddət ərzində səki çəpəri mövcud vəziyyətinə gətirilərək öz yerinə bərpa ediləcək.
