Gəncədə ödənişsiz ingilis dili kursuna qeydiyyat aparılır. Bu haqda Gencexeber.az-a 7 fevral tarixində məlumat daxil olub.
“PROGRO” Peşəkar İnkişaf və İnnovasiyalar Platforması ingilis dili kursu təşkil edir. Proqramın müddəti 6 aydır (27 mart - 30 sentyabr). Dərslər “A-Level LTD” şirkətinin müəllimləri tərəfindən tədris olunacaq. Məşğələlər 90 dəqiqə olmaqla həftədə 3 dəfə keçiriləcək. Bundan başqa, həftədə 1 dəfə danışıq klubu olacaq.
Proqramı uğurla başa vuranlara “İntermediate English” üzrə sertifikat veriləcək.
Qatılmaq istəyən 18-30 yaş arası hər kəs 26 fevraladək link vasitəsilə qeydiyyatdan keçə bilər. Burada motivasiya ilə bağlı sualı cavablandırmağın vacib olduğu vurğulanıb.
