Gəncədə çoxsaylı insanların məskunlaşdığı ərazidə çətinlik yaşanır. Bu haqda Gencexeber.az-a 3 avqust tarixində məlumat daxil olub.
Sözügedən hal şəhərin “Pasyolka” adlanan yaşayış massivində müşahidə olunur. Sakinlərin sözlərinə görə, 12 ədəd 4 və 5 mərtəbəli binanın yerləşdiyi hissədə 2 zibil qutusu yerləşdirilib. Bildirilir ki, ərazidə mindən çox insan yaşayır.
Konteynerlərin az olması səbəbindən sakinlər tullantıları qutuların yanına tökməli olurlar. Bu da antisanitar vəziyyət, kəskin qoxu və xoşagəlməz mənzərə yaradır. Qeyd olunub ki, sözügedən hal MKTİB işçilərinin də narazılığına səbəb olur.
“Zibil qutularının sayını artırsalar, yaxşı olar. Axşam burada yaranan hal heç kimə xoş deyil. Ərazini təmizləyən işçilər də çətinlik çəkirlər”, - deyə sakinlər bildirirlər.
[modula id="41820"]
